Piaskoŭ na pytańnie pra sankcyi suprać Rasii zaklikaŭ «rychtavacca da najhoršaha»
kremlin.ru
Kreml ličyć, što mahčymyja novyja antyrasijskija sankcyi z boku ZŠA mohuć pryvieści da «vielmi kiepskich nastupstvaŭ», hetyja dziejańni Vašynhtona mohuć iści ŭrazrez z ahulnapryznanymi praviłami mižnarodnaha handlu, zajaviŭ pres-sakratar prezidenta Rasii Dźmitryj Piaskoŭ.
«Tearetyčna zaŭsiody treba spadziavacca na lepšaje, ale rychtavacca da najhoršaha. Ale ŭ vypadku nastrojaŭ i ŭ Kanhresie [ZŠA], i ŭ Sienacie na palapšeńnie adnosin abo chacia b ŭstojlivuju remisiju «chvaroby rusafobii» spadziavacca nie davodzicca», - skazaŭ Piaskoŭ, adznačyŭšy, što hetaja «ašalełaja rusafobija» nie maje pad saboj kankretnych źviestak.
Piaskoŭ taksama vykazaŭ zdahadku, što za idejaj antyrasijskich sankcyj staić praktyčny padychod ZŠA da handlovaj śfiery, a abmiežavańni nakiravany na padryŭ ŭdziełu Rasii ŭ enierhietyčnaj śfiery. Na dumku pradstaŭnika Pucina, heta sproba vycisnuć kankurentnyja rasijskija kampanii z rynku i rasčyścić miesca dla amierykanskich kampanij.
