Piensijanierka ŭ Maładziečnie vyrašyła zekanomić na prajeździe: ciapier joj pahražaje da dvuch hadoŭ
Žycharka Maładziečna pradjaviła kanduktaru-kantraloru ŭ aŭtobusie paśviedčańnie invalida druhoj hrupy. Sapraŭdnaść dakumienta vyklikała padazreńnie. Paśviedčańnie zabrali, a ekśpiertyza paćvierdziła fakt padrobki, piša mlyn.by
U apieratyŭna-dziažurnuju słužbu Maładziečanskaha RAUS źviarnułasia kanduktar haradskoha aŭtaparka. Žančyna paviedamiła, što sumniavajecca ŭ sapraŭdnaści pradjaŭlenaha pasažyrkaj dakumienta. Pravierku pa hetym fakcie praviali supracoŭniki kryminalnaha vyšuku.
Vyśvietliłasia, što 66-hadovaja piensijanierka 3 studzienia vypraviła ŭ svaim paśviedčańni invalida hrupu - z treciaj na druhuju. Tak jana vyrašyła zekanomić na tałončyk. Adnak «fokus» nie atrymaŭsia.
Za padrobku i vykarystańnie padroblenych dakumientaŭ pahražaje da dvuch hadoŭ abmiežavańnia voli. Jak minimum piensijaniercy pryjdziecca zapłacić štraf.