Na rasijskim telekanale ŭpieršyniu pažartavali pra zabaronu zhadvać Navalnaha. Vyjšła dosyć śmiešna VIDEA
U prahramie Stand Up na telekanale TNT komik Ivan Abramaŭ pažartavaŭ pra toje, što proźvišča palityka Alaksieja Navalnaha nie pramaŭlajuć u efiry Pieršaha kanała. Na heta źviarnuła ŭvahu ahienctva «Vieśma», videa dastupna na kanale prahramy na Rutube.
«Jak vy viedajecie, na Pieršym kanale nie pramaŭlajuć proźvišča čałavieka, jakoje ryfmujecca sa słovam avalny. Tamu što ličycca, što jon jak Vołan-de-Mort. Heta značyć, kali ty vypadkova pramoviš jaho imia, jon tut ža daviedajecca, dzie ty ciapier znachodzišsia ŭ dekłaracyi ab dachodach», — skazaŭ Abramaŭ.
Jon taksama ŭspomniŭ, što proźvišča Navalnaha zhadaŭ u efiry rasijskaha Pieršaha kanała trenier Leanid Słucki, jaki kamientavaŭ matč pamiž Mieksikaj i Hiermanijaj na čempijanacie śvietu pa futbole.
«Tam takaja cišynia pavisła …» — skazaŭ komik i pažartavaŭ, što ŭ hety momant možna było pačuć u «Astankina» niervovy śmiech kiraŭnika kanała Kanstancina Ernsta. A kamientar Kanstancin Dziamienćjeŭ (naparnik Słuckaha) u hety momant čytaŭ «Ojča naš».
U kancy Abramaŭ pažartavaŭ, što na 45 hadoŭ Navalnamu vydaduć pašpart biez proźvišča: «Alaksiej, a navošta vam proźvišča? Siamja vas viedaje, u SIZA vas pamiatajuć».
Cikava, što 31 sakavika Ivan Abramaŭ vystupić z kancertam u Minsku.
