U Kramli praanansavali dźvie sustrečy Łukašenki i Pucina — 13 i 15 lutaha
kremlin.ru
U Kramli praanansavali dźvie sustrečy prezidentaŭ Biełarusi i Rasii, jakija projduć na hetym tydni — 13 i 15 lutaha. Pra heta BIEŁTA paviedamili ŭ pres-słužbie kiraŭnika Rasii.
«13 lutaha ŭ Sočy Uładzimir Pucin sustreniecca z Alaksandram Łukašenkam, jaki budzie znachodzicca ŭ Rasii z rabočym vizitam», — prainfarmavali ŭ pres-słužbie. Padčas pieramovaŭ buduć abmierkavany klučavyja pytańni dvuchbakovaha paradku dnia i pierśpiektyvy raźvićcia intehracyjnych pracesaŭ na jeŭrazijskaj prastory.
«Z ulikam kanstruktyŭnaha raźvićcia rasijska-biełaruskaha ŭzajemadziejańnia ŭ kulturna-humanitarnaj śfiery 15 lutaha projdzie sustreča prezidentaŭ Rasii i Biełarusi ź ministrami dźviuch krain, jakija kuryrujuć adukacyju, kulturu i sport. Buduć abmierkavany kankretnyja prapanovy pa dalejšym pahłybleńni supracoŭnictva ŭ hetych važnych halinach», — dadali u Kramli.
