Ideja dla niebanalnaha spatkańnia: 16 lutaha pa Minsku projdzie tramvajnaja vandroŭka dla zakachanych
16 lutaha (subota) zaprašajem na tramvajnuju vandroŭku, pryśviečanuju Dniu śviatoha Valancina, z «tramvajnym» hidam i vydatnym znaŭcam historyi Minska Ivanam Sacukievičam. Padčas tramvajnaj vandroŭki vas čakaje taksama ramantyčny kancert muzyki, mastaka, televiadoŭca, zasnavalnika hurtoŭ Recha dy Harotnica Andrusia Takindanha.
Maršrut: RK «Traktarny zavod» — DS «Miaśnikova» — DS «Zialony łuh» — DS «Voziera» — pryp. «Praśpiekt Niezaležnaści».
Praciahłaść tramvajnaj vandroŭki kala 3 hadzinaŭ.
Padčas tramvajnaj ekskursii paznajomimsia z ramantyčnymi lehiendami i padziejami z historyi Minska, a taksama daviedajemsia bieźlič cikavaha pra historyju Minska, jahonych vulicaŭ i pradmieściaŭ, pomnikaŭ i rajonaŭ. Nie abminiem uvahaj i sam tramvaj: kali i kim byŭ vynajdzieny; u jakim biełaruskim horadzie źjaviŭsia pieršym, dzie siońnia tramvaj možna sustreć u Biełarusi, kali tramvajny ruch źjaviŭsia ŭ Minsku, čamu jaho pačali budavać i kinuli na 16 hadoŭ, jakija vahony biehali pa vulicach horada. Čamu da vajny ŭ Minsku tramvajnych linij było ŭ 2 razy bolej, čym zaraz, dzie tramvaj chadziŭ pa Minsku.
Pačujem šmat cikavaha pra historyju minskich pradmieściaŭ Staražoŭka i Piarespa, Kamaroŭka i Załataja horka, Lachaŭka dy Kašary, Zialony Łuh i Traktarazavodski pasiołak, daviedajemsia, jak i čamu atrymaŭ svaju nazvu adzin z najvialikšych rajonaŭ Minska XX st. Sialhaspasiołak, što adbyvałasia ŭ hady apošniaj vajny na terytoryi Puškinskich kazarmaŭ i šmat inšaha.
A ramantyčny nastroj u tramvajčyku svaim kancertam stvoryć niepaŭtorny Andruś Takindanh.
Rehistracyja na vandroŭku praz huhł-formu.
Košt tramvajnaj vandroŭki z muzyčnaj častkaj — 25 rub., zaŭsiodnikam i hrupam pry papiaredniaj apłacie — 22 rub., a param zakachanych pry papiaredniaj apłacie — 40 rub. na dvaich.
Usia dadatkovaja infamracyja praz kantakty: 8-025-5458430 (viber), 8-044-5386283 (Valeryja), a taksama praź je-mail: [email protected]
