Parłamienckaja delehacyja na čale ź Miaśnikovičam adpraviłasia ŭ Polšču
Parłamienckaja delehacyja Biełarusi na čale z kiraŭnikom Savieta Respubliki Michaiłam Miaśnikovičam siońnia pačynaje aficyjny vizit u Polšču, jaki praciahniecca da 14 lutaha, piša sb.by
Padčas vizitu zapłanavany sustrečy z Prezidentam Polščy Andžejem Dudam, premjer-ministram krainy Mateušam Maravieckim, maršałami Sienata i Siejma Stanisłavam Karčeŭskim i Marekam Kuchcinskim, a taksama z kiraŭnikom MZS Jacekam Čaputovičam.
Padčas pieramoŭ na vysokim i vyšejšym uzroŭniach płanujecca abmierkavać aktualnyja pytańni dvuchbakovaha paradku dnia, u tym liku handlova-ekanamičnaje i inviestycyjnaje supracoŭnictva, uzajemadziejańnie ŭ halinie adukacyi, navuki, kultury i ŭ inšych halinach. Asablivaja ŭvaha palityki majuć namier nadać roli parłamienckaha vymiareńnia va ŭmacavańni biełaruska-polskich adnosin. Akramia taho, čakajecca zaklučeńnie biełaruska-polskaha pahadnieńnia ab sacyjalnym zabieśpiačeńni.
Parłamienckaja delehacyja taksama naviedaje Polskuju akademiju navuk i naniasie vizit u Biełastok, dzie praviadzie sustreču z pradstaŭnikami biełaruskaj nacmienšaści i kiraŭnictvam Padlašskaha vajavodstva.
