U Minsku zatrymanyja pastaŭščyki narkotykaŭ z Rasii
U Minsku zatrymanyja pastaŭščyki narkatyčnych srodkaŭ — 33-hadovy małady čałaviek i 23-hadovaja dziaŭčyna, paviedamiła BiełTA aficyjny pradstaŭnik Partyzanskaha RUUS Minska Lilijana Žylankova
U supracoŭnikaŭ narkakantrolu była apieratyŭnaja infarmacyja ab tym, što biełarusy, jakija časova pražyvajuć u Rasii, źbirajucca pierapravić narkatyčnyja srodki na terytoryju Biełarusi. Paźniej vyśvietliłasia, što małady čałaviek, jaki źjaŭlaŭsia asnoŭnym zbytčykam, paprasiŭ svaju znajomuju dasłać pasyłku z narkatyčnymi rečyvami ŭ Biełaruś, dzie pražyvaŭ jaje baćka. Padčas ahladu jaho kvatery znojdziena i kanfiskavana bolš za 75 h biełaha paraška. Sudovyja ekśpierty paćvierdzili najaŭnaść u im narkatyčnaha rečyva.
Pa prybyćci ŭ Minsk fihuranty byli zatrymanyja supracoŭnikami milicyi na vakzale. Ciapier vyśviatlajecca infarmacyja ab dačynieńni inšych asob da pastavak narkotykaŭ.
