Zatrymany hienieralny dyrektar Minskaha zavoda šaścierniaŭ
mvd.gov.by
U čaćvier supracoŭnikami hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj (HUBAZiK) MUS na miescy złačynstva pry atrymańni chabaru zatrymany hienieralny dyrektar AAT «Minski zavod šaścierniaŭ» Siarhiej Packievič, paviedamlaje pres-słužba milicyi.
Siarhiej Packievič
Niezakonnyja dziejańni słužbovaj asoby vyjavili ŭ chodzie vykanańnia zadač pa supraćdziejańni karupcyi pry realizacyi dziaržaŭnych prahram madernizacyi najvažniejšych pramysłovych pradpryjemstvaŭ krainy.
Chabar ad pradstaŭnika zamiežnaj kamiercyjnaj struktury ŭ pamiery 20 tysiač jeŭra hiendyrektar atrymaŭ u svaim pracoŭnym kabiniecie. Niezakonnaje ŭznaharodžańnie naležała za spryjalnaje vyrašeńnie pytańniaŭ pa vykanańni zavodam svaich dahavornych abaviazacielstvaŭ, źviazanych z raźlikami za technałahičnaje abstalavańnie, jakoje pastaŭlajecca zavodam.
U 2018 hodzie jon užo nieadnarazova atrymlivaŭ chabar ad pradstaŭnikoŭ kamiercyjnych struktur.
Packievič byŭ pryznačany na pasadu dyrektara ŭ žniŭni 2017 hoda.
