Huajdo śledam za Maduram źviarnuŭsia da papy rymskaha pa dapamohu

Lidar vieniesuelskaj apazicyi Chuan Huajdo paprasiŭ papu rymskaha Franciška dapamahčy ŭrehulavać kanflikt u Vieniesuele. Pra heta jon zajaviŭ u intervju telekanału Sky tg24.

«Ja zaklikaju tych, chto moža dapamahčy — papu rymskaha, dypłamataŭ — pracavać nad tym, kab spynić uzurpacyju, stvaryć pierachodny ŭrad i ŭ najbližejšy čas pravieści svabodnyja vybary ŭ Vieniesuele», — skazaŭ Huajdo.

Jon taksama padkreśliŭ, što spadziajecca na vizit papy ŭ «vielmi katalickuju, vielmi nabožnuju i z mocnaj relihijnaj tradycyjaj» Vieniesuełu. Huajdo dadaŭ, što «ź luboŭju» ŭzhadvaje apošni vizit papy rymskaha Jana Paŭła II, jaki adbyŭsia bolš za 20 hadoŭ tamu.

0

0

0

0

0

0