Siamaška: Biełaruska-rasijskaja hrupa pa intehracyi pavinna vypracavać prahramu sumiesnych dziejańniaŭ za hod-dva
Biełaruska-rasijskaja hrupa pa intehracyi, jakaja stvorana pa rašeńni Łukašenki i Pucina, pavinna budzie vypracavać sumiesnuju prahramu dziejańniaŭ. Pra heta zajaviŭ siońnia žurnalistam pasoł Biełarusi ŭ Rasii Uładzimir Siamaška, paviedamlaje BiełTA.
«Heta praciahły, niaprosty praces, — skazaŭ pasoł. — Treba razabracca, što zroblena ŭ ramkach sajuznaj damovy 1999 hoda, što nie zroblena i pa jakoj pryčynie, a što moža być i rabić užo nie treba, jano nie aktualna. I naadvarot, žyćcio dyktuje niejkija novyja pytańni, jakija treba vyrašyć. Heta budzie cełaja prahrama. Zychodziačy z majho dośviedu, heta zojmie paŭtara, dva hady, moža i bolš».
Havoračy ab majučaj adbycca 13 lutaha sustrečy Pucina i Łukašenki, pasoł adznačyŭ, što jaje temy ŭžo vyznačany.
«Pierš za ŭsio heta paradak raboty i napramki toj pracoŭnaj hrupy, jakaja była stvorana rašeńniem prezidentaŭ i jakuju ŭznačalvajuć dva ministry ekanomiki», — skazaŭ pasoł.