U kramach Maxima ŭ Litvie źjavilisia leki
Litoŭskaja handlovaja sietka Maxima pačała handal lekami, jakija dastupnyja biez receptaŭ. Va ŭsich kramach Maxima pakupniki mohuć kupić 6 lekaŭ, 2 miedycynskija preparaty i charčovyja dabaŭki. Leki možna nabyć u kasach, piša Delfi.lt
Lekavyja preparaty možna nabyć tolki ŭ kasie - ich nielha budzie ŭziać na palicy ŭ handlovaj zale ci ŭ kasy samaabsłuhoŭvańnia. Akramia taho, pakupniki nie mohuć nabyć bolš za adnu ŭpakoŭku lekaŭ. Infarmacyju ab najaŭnaści novych tavaraŭ možna znajści ŭ kas. Rabotniki kramy nie padajuć infarmacyju pra dziejańnie preparataŭ i nia kansultujuć ich pakupnikoŭ. Va ŭsich kramach pakupniki mohuć nabyć charčovy dadatak Linex Forte, miedycynskija preparaty Smecta Go i Espumisan Easy (ad rasstrojstva straŭnika), a taksama leki Nalgesin S (dla praduchileńnia bolu), Ibuprom Express, Alka-Seltzer, Nolpaza (ad prablem z kišečnikam), Liugolis (rastvor jodu) i zialonku. Usie miedykamienty mohuć kupić asoby nie maładziej za 16 hadoŭ.
