Ihar Marzaluk: Paleśsie — praradzima ŭsich słavian, a pinskamu muzieju treba viarnuć status respublikanskaha
Na ŭračystaj cyrymonii ŭ honar nadańnia Pinsku zvańnia «Kulturnaja stalica — 2019» ŭ pinskim pałacy kultury doktar histaryčnych navuk i palityk Ihar Marzaluk skazaŭ:
— My zaraz znachodzimsia ŭ sercy słavianščyny. Tamu što mienavita tut pačałosia toje, što my nazyvajem słavianskimi movami, — heta zachodnie-paleskija dyjalekty i zachodnie-paleskaja kultura. Heta matkavaja słavianskaja kultura, heta dakazana linhvistami, archieołahami i antrapołahami.
Nie Visła i Oder, a Prypiać i Pina źjaŭlajucca pieršymi rekami słavianskaj praradzimy. I mienavita adsiul ź biełaruskaha Paleśsia ŭ VI stahodździ pačaŭsia nacisk słavian i na Uschod, Zachad i ŭ Centr Jeŭropy.
Tamu ŭsie słavianskija narody: palaki, čechi, słavaki, ruskija, ukraincy i bałhary roŭna nastolki słavianie, nakolki ŭ ich burlić paleskaja kroŭ, kolki ŭ ich pinskich, bresckich, homielskich prodkaŭ. Heta dakazany fakt.
Akramia taho, Marzaluk zaklikaŭ viarnuć pinskamu muzieju Biełaruskaha Paleśsia status respublikanskaha.
