Stała viadoma, chto achviaravaŭ najbolšuju sumu na Dzień Voli — 2019
Praciahvajecca zbor hrošaj na arhanizacyju sioletniaha Dnia Voli. Užo sabrana bolš za 10 tysiač rubloŭ. Samy papularny šlach — praz udzieł u «Tałace». Najbolšuju sumu achviaravaŭ małady ajcišnik ź Viciebska Alaksiej Procharaŭ, jon pieraličyŭ 500 rubloŭ.
Alaksiej Procharaŭ, fota z sacsietak
«Žyćcio tak mianie pakidała, što mnie pašancavała i ja pracuju ŭ IT. Ja vielmi rady, što ŭ Biełarusi heta śfiera raźvivajecca. Spadziajusia, my jaje nie prafukajem, — kaža Procharaŭ. — Adpaviedna, pa hrošach u mianie bolš-mienš narmalna. Plus ja jašče nie žanaty, tamu niama čornaj dzirki, jakaja b zabirała hrošy. Ja chacieŭ trapić na BNR-100, ale nie atrymałasia — kamandziroŭki, praca… Voś, vielmi chaču trapić na BNR-101.
Liču, što hetaje mierapryjemstva vielmi patrebnaje, bo jano nas abjadnoŭvaje. Adnadumcy mohuć sustrecca, pahavaryć.. Siońnia my nibyta ŭ izalacyi, a ludziam treba być razam, kansalidavacca. I apazicyja musić abjadnacca, bo meta ž adna — naładzić žyćcio ŭ krainie. I treba, kab ludzi pra heta čuli, a takoha nie chapaje. Błohieraŭ ja čuju, a apazicyi našaj nie čuvać».
Dzień Voli adznačajecca 25 Sakavika, u dzień, kali ŭ 1918 hodzie była abvieščanaja niezaležnaść Biełaruskaj Narodnaj Respubliki. Sioleta inicyjatary śviatkavańnia chočuć pravieści jaho ŭ farmacie šeście pa vulicy Kastryčnickaj i kancerta na stadyjonie «Dynama».