Biełaruś i Rasija praciahvajuć pieramovy pa canie na haz z 2020 hoda
Biełaruś i Rasija praciahvajuć pieramovy pa canie na rasijski haz, jakaja budzie dziejničać z 2020 hoda, paviedamiŭ siońnia žurnalistam ministr enierhietyki Viktar Karankievič na pieršym Nacyjanalnym forumie pa ŭstojlivym raźvićci, pieradaje BIEŁTA.
«Pieramovy pravodziacca i na ŭzroŭni profilnych ministerstvaŭ, i na ŭzroŭni vice-premjeraŭ. Pieramoŭny praces praciahvajecca», - adznačyŭ Viktar Karankievič.
Cana na haz dla Biełarusi u 2019 hodzie składaje $ 127 za 1 tys. kub.m.
Zhodna z raniej dasiahnutymi damoŭlenaściami, baki pavinny ŭzhadnić košt na rasijski haz dla Biełarusi ŭ 2020-2024 hadach da 1 lipienia 2019 hoda. Jak raniej padkreślivaŭ vice-premjer Biełarusi Ihar Pietryšenka, Biełarusi patrebnyja nie nizkija ceny na rasijski haz, a stvareńnie roŭnych umoŭ dla subjektaŭ haspadarańnia.