Haradzieniec vyrašyŭ pryvieźci z Polščy 60 upakovak kavy ŭ bienzabaku i śpinkach kresłaŭ — aŭto kanfiskujuć FOTY
Sprobu niezakonnaha ŭvozu kavy ŭ Biełaruś spynili supracoŭniki Hrodzienskaj rehijanalnaj mytni ŭ punkcie propusku «Bruzhi», paviedamlaje sajt Dziaržaŭnaha mytnaha kamiteta.
35-hadovy žychar Hrodna viartaŭsia z Polščy na lehkavym aŭtamabili Audi A6. Transpartny srodak prajazdžaŭ pa «zialonym» kalidory. Haspadar aŭtamabila rastłumačyŭ, što pieravozić tolki pradukty charčavańnia ahulnaj vahoj krychu bolš za 11 kiłahramaŭ.
Pry detalovym ahladzie ŭ śpinkach kresłaŭ aŭtamabila, a taksama ŭ jaho paliŭnym baku vyjavili kala 60 pačkaŭ kavy roznych najmieńniaŭ. Taksama znojdzieny i inšy schavany ad starońnich vačej tavar. Usiaho — amal 35 kiłahramaŭ.
Uličvajučy kolkaść tavaru i jaho charaktar, jon nie moža być adniesieny da tavaru dla asabistaha karystańnia. Pa vyjaŭlenym parušeńni mytniaj pačaty administracyjny praces u adpaviednaści z častkaj 2 artykuła 14.1 Kodeksa ab administracyjnych pravaparušeńniach.
Sankcyja artykuła praduhledžvaje kanfiskacyju transpartnaha srodku. Niezakonny tavar i aŭtamabil, jak srodak ździajśnieńnia pravaparušeńnia, kanfiskavanyja da rašeńnia suda.