Łukašenka ŭbačyŭ vialiki front pracy dla Biełarusi ŭ Zimbabve
BiełTA
Pra heta Alaksandr Łukašenka zajaviŭ siońnia na pieramovach z prezidentam Zimbabve Emiersanam Mnanhahvaj.
Kiraŭnik dziaržavy adznačyŭ, što Biełaruś, nie budučy hihanckaj krainaj, nie moža na hłybokaj asnovie vybudoŭvać supracoŭnictva z usimi krainami Afryki. «Tamu my sprabujem znajści tych, z kim by mahli vybudavać stratehičnaje partniorstva», — skazaŭ jon.
«Z času majho apošniaha vizitu ŭ Respubliku Biełaruś, jaki adbyŭsia kala čatyroch hadoŭ tamu, my pastajanna padtrymlivali ciesnyja suviazi. I ja vielmi rady, što ŭ nas jość takija adkrytyja i pramyja kantakty, — padkreśliŭ Emiersan Mnanhahva. — Pamiž našymi krainami skłalisia vielmi ciesnyja i dobryja ŭzajemaadnosiny. Maja administracyja i narod Zimbabve ŭ cełym razhladajuć Respubliku Biełaruś jak brackuju krainu».
Jon adznačyŭ, što Zimbabve pieražyvaje nialohkija časy: na praciahu amal dvuch dziesiacihodździaŭ kraina padviarhałasia roznym ekanamičnym sankcyjam, faktyčna była izalavanaja.
«U vyniku sankcyj naša nacyjanalnaja valuta abrynułasia. Nam pryjšłosia adyści ad vykarystańnia nacyjanalnaj valuty i ŭ lutym 2009 hoda raspracavać tak zvany pakiet valut, u jaho byli ŭklučany brytanski funt sterlinhaŭ, jeŭra, dalar ZŠA i inšyja. Pieršapačatkova na dalar ZŠA prychodziłasia kala 40%, jašče stolki ž prypadała na valutu adnoj z afrykanskich respublik. Astatnija 20% byli raźmierkavany pamiž inšymi valutami. Adnak z časam situacyja źmianiłasia, i dalar staŭ daminujučaj valutaj u Zimbabve. Siońnia na jaho prychodzicca kala 90% usich ranzakcyj», - raspavioŭ Emiersan Mnanhahva pra asablivaści ekanamičnaj situacyi ŭ krainie.
Prezident Zimbabve padziakavaŭ Alaksandru Łukašenku za akazany jamu i členam delehacyi ciopły pryjom, a taksama za padtrymku jaho krainy ŭ hetyja nialohkija dla jaje časy.