Gillette vypuściŭ rekłamu, jakaja asudžaje seksualnyja damahańni VIDEA. Ale mužčyny pakryŭdzilisia
Vytvorca aksesuaraŭ dla haleńnia Gillette zapuściŭ hramadskuju kampaniju The Best Men Can Be, kab «kinuć vyklik stereatypam i praduziatym pohladam pra toje, što značyć być mužčynam».
Na jutiub-kanale kampanii vyjšła rekłama, jakaja asudžaje seksualnyja damahańni i ckavańnie. U videa pakazany seksisckija sceny ź filmaŭ, kadry sudovych pasiadžeńniaŭ.
«Chiba ničoha lepšaha dla mužčyny niama?» — zadajucca pytańniem u kampanii.
U pačatku rolika mužčyny paŭtarajuć: «Chłopčyki buduć chłopčykami», — ale zatym jany pačynajuć raźnimać dziaciej, jakija bjucca, i spyniać inšych mužčyn, kali tyja kažuć niedarečnyja rečy žančynam. Videa zakančvajecca słovami ab tym, što siońniašnija chłopčyki, jakija nazirali za pavodzinami mužčyn, užo zaŭtra sami stanuć mužčynami.
«Tolki padachvočvajučy siabie rabić bolš, my možam stać bližej da lepšaha», — havorycca ŭ finale rolika.
Videa, apublikavanaje 13 studzienia, za dvoje sutak atrymała kala 330 tysiač łajkaŭ i bolš za 500 tysiač dyzłajkaŭ.
Na dumku tych, kamu rolik nie spadabaŭsia, u im śćviardžajecca, što bolšaść mužčyn schilnyja da hvałtu i damahańniaŭ. U kamientarach pad videa niekatoryja paabiacali admovicca ad vykarystańnia pradukcyi Gillette.