Sud budzie razhladać spravu, jakaja zakruciłasia paśla publikacyi «Našaj Nivy»
Jak stała viadoma «Našaj Nivie», u Minski haradski sud pastupiła sprava ŭ dačynieńni da H. Kamiańkova i A. Saviča.
Hetyja ludzi abvinavačvajucca ŭ datyčnaści da historyi, pra jakuju na pačatku 2017 hoda raskazała «Naša Niva».
Čytajcie rasśledavańnie: Praz machinacyi narkahandlaroŭ niekatoryja rachunki EasyPay dastupnyja trecim asobam
Tady «Naša Niva» paviedamlała, što ŭ sistemie veb-hrošaj EasyPay isnuje ŭraźlivaść, jakaja dazvalaje narkahandlaram stvarać nielehalnyja elektronnyja kašalki i takim čynam atrymlivać na ich hrošy za dozy i vyvodzić nielehalnyja prybytki.
«Biełhazprambank» tady tłumačyŭ, što źjaŭlajecca ŭ hetaj sistemie tolki emitentam, a adkaznaść za sistemu biaśpieki lažyć na TAA «Adkryty kantakt».
Rasśledavańnie pa hetaj spravie ŭ Śledčym kamitecie pačałosia prykładna ŭ toj ža čas, kali vyjšła publikacyja. My nie možam viedać, ci była situacyja ŭ poli zroku apieratyŭnikaŭ da publikacyi.
Pa spravie z uzłomam kašalkoŭ zamiešanyja z tuzin čałaviek. Ale, mahčyma, jany prachodziać pa roznych spravach u roznych vytvorčaściach.
H. Kamiańkova i A. Saviča, zhadanych na pačatku natatki, abvinavačvajuć pa 328-m «narkatyčnym» artykule, pa 354-m artykule (vykarystańnie škodnych prahram), pa 349-m artykule (niesankcyjanavany dostup da kampjutarnaj infarmacyi) i 380-m artykule (padrobka dakumientaŭ).
Čytajcie taksama: Paśla publikacyj «Našaj Nivy» prodaž spajsaŭ u krainie paralizavany
