Paśla publikacyj «Našaj Nivy» prodaž spajsaŭ u krainie paralizavany
«Naša Niva» paviedamlała pra chiby ŭ pracy raźlikovaj sistemy EasyPay. My pakazali, što nieviadomyja złaŭmyśniki navučylisia abychodzić pratakoły biaśpieki raźlikovaj sistemy, kab vyvodzić hrošy, atrymanyja ad prodažu narkotykaŭ.
U vyniku ŭčora, paśla publikacyi materyjału, chakierski sajt iwallet.pro byŭ adklučany ad absłuhoŭvańnia, usie raniejšyja tranzakcyi praź jaho stali niemahčymymi.
Što heta značyć?
Narkahandlary stracili mahčymaść prymać srodki za svoj tavar, bo raniej jany vykarystoŭvali dla hetaha asobnyja ŭzłamanyja kašalki EasyPay, dostup da jakich ažyćciaŭlaŭsia nie praz aryhinalny sajt, a praz chakierski iwallet.pro.
Vykarystoŭvać «čystyja» rachunki EasyPay im nie vypadaje, bo ŭ takim razie lohka deananimizavać uładalnika.
U vyniku, ad 15 hadzin 21 lutaha narkakramy masava abviaščajuć ab pierapynkach u rabocie.
Jak my vyśvietlili, ź dziasiatkaŭ «kram» pracujuć tolki dźvie, jakija ŭ raźlikach vykarystoŭvajuć inšuju sistemu — Webmoney. Ale i hetuju łavačku im, imavierna, chutka prykryjuć, bo milicyja zvyčajna chutka błakuje rachunak u Webmoney — a jaho handlary «śvieciać» sami, skidajučy klijentam u jakaści rekvizitaŭ dla apłaty.
Ad raboty adyšoŭ navat manapalist — bujnaja krama, jakaja dziejničała ŭ bolšaści haradoŭ našaj krainy.
Možna mierkavać, što praź niejki čas usie jany znojduć inšyja šlachi dla pryniaćcia i vyvadu srodkaŭ, ale pakul što adzin dzień prastoju dla ich — heta strata tysiač rubloŭ. I čyjeści ŭratavanyja losy.
Prykłady abviestak, što vykładvajuć handlary ŭ ananimnyja miesiendžary.
