U Minsku moža źjavicca vulica Nikoły Tesły
U Minsku mohuć źjavicca skvier Jeŭfrasińni Połackaj i vulica Nikoły Tiesły, paviedamili karespandentu ahienctva «Minsk-Naviny» va ŭpraŭleńni kultury Minharvykankama.
Kamisija pa najmienavańni i pierajmienavańni praśpiektaŭ, vulic, płoščaŭ i inšych składovych častak Minska prapanuje nadać imia biełaruskaj aśvietnicy Jeŭfrasińni Połackaj skvieru ŭ miežach vuł. Prytyckaha i Jeŭfrasińni Połackaj, a imia vydatnaha fizika, vynachodnika ŭ halinie elektroniki i radyjotechniki Nikoły Tesły - prajektavanaj vulicy № 3 na terytoryi šmatfunkcyjanalnaha kompleksu «Minsk-Mir».
Nikoła Tesła — vynachodnik sierbskaha pachodžańnia. A kompleks «Minsk-Mir» buduje sierbski inviestar.
Taksama ŭniesieny prapanovy nazvać vulicaj Bancaraŭskaj prajezd № 3 u rajonie vuł. Zacień (pa imi haradzišča Bancaraŭščyna pad Minskam), a vulicaj Białhradskaj — prajektujemuju vulicu № 5 na terytoryi ekśpierymientalnaha šmatfunkcyjanalnaha kompleksu «Minsk-Mir».
Haradžan zaprašajuć paŭdzielničać u abmierkavańni i vykazać svajo mierkavańnie pa prapanavanych najmieńniach.
Upraŭleńnie kultury Minharvykankama prymaje mierkavańni žycharoŭ horada pa prapanavanych nazvach z 3 studzienia 2019 hoda na praciahu 2 tydniaŭ.
