Spraściłasia pracedura rehistracyi zamiežnikaŭ
Ad 2 studzienia zapracavała elektronnaja rehistracyja inšaziemcaŭ, jakija časova znachodziacca ŭ Biełarusi, praź dziaržaŭny partał elektronnych pasłuh, staronku portal.gov.by, paviedamlaje Ministerstva ŭnutranych spraŭ.
Rehistravacca treba tym, chto zastajecca bolš jak na 5 pracoŭnych dzion (ale zrabić heta ŭ pieršyja 5 dzion). Pasłuha ciapier biaspłatnaja, ad 2 studzienia nie patrebien elektronny podpis, atrymańnie jakoha płatnaje.
Elektronnaja pasłuha dastupnaja tym, chto trapiŭ u krainu praz punkty propusku praź dziaržaŭnuju miažu, ale nia tym, chto pryjechaŭ praź miažu z Rasiejaj (apošnim treba asabista prychodzić u adździeł hramadzianstva i mihracyi).
Partał elektronnych pasłuh dastupny na rasiejskaj movie, častkova na biełaruskaj i častkova na anhielskaj. U vypadku, kali niešta nie spracoŭvaje na sajcie, pa-raniejšamu možna asabista źviarnucca ŭ adździeł hramadzianstva i mihracyi.
Za parušeńni, źviazanyja z rehistracyjaj, pahražaje papiaredžańnie, štraf da 20 bazavych vieličyń abo departacyja.
