Rasijanie masava «dyzłajkali» navahodni zvarot Pucina
Rasijanie pastavili svajmu prezidentu masu dyzłajkaŭ u YouTube, piša «Echo Moskvy». Na staroncy telekanała «Rasija-1» navahodni zvarot Pucina atrymaŭ kala tysiačy «łajkaŭ» i bolš za 4 tysiačy «dyzłajkaŭ».
U zvarota na «Pieršym kanale» — 12 tysiač «łajkaŭ», a «dyzłajkaŭ» - bolš za 66 tysiač. I heta pry tym, što pa śniežańskich źviestkach VCIOMa, dziejnaść prezidenta RF uchvalaje amal 65% rasiejcaŭ, a kolkaść «łajkaŭ» lohka nakrucić z dapamohaj prakramloŭskich botaŭ, adznačaje sajt radyjostancyi.
Navahodniaje vinšavańnie Pucina było zapisana zahadzia. Z-za trahiedyi ŭ Mahnitahorsku mianiać jaho nie stali. Choć, miarkujučy pa kamientarach na partale YouTube, heta daloka nie hałoŭnaje, što stała pryčynaj vialikaj kolkaści «dyzłajkaŭ».
Asnoŭnyja pretenzii ŭ tym, što Pucin padaryŭ rasiejcam pavyšeńnie piensijnaha vieku, rost cenaŭ na bienzin i taryfaŭ ŽKH, uvioŭ padatki dla samazaniataści. Pucin pavinšavaŭ rasijan z Novym hodam u 16-y raz.
