20 śniežnia — tvorčaja viečaryna piśmieńnika Uładzimira Maroza
20 śniežnia a 17-j u Minskaj abłasnoj biblijatecy imia Puškina (Hikała, 4) adbudziecca tvorčaja viečaryna «Try sšytki» — prezientacyja «Vybranaha» Uładzimira Maroza ŭ troch tamach.
Uładzimir Maroz jak tvorčaja asoba čałaviek šmathranny — paet, prazaik, eseist, scenaryst, kinarežysior. Naradziŭsia ŭ horadzie Kosava Ivacevickaha rajona ŭ siamji nastaŭnikaŭ. Pa pieršaj adukacyi architektar (BPI, 1975), paśla skončyŭ litaraturny instytut imia A.M.Horkaha ŭ Maskvie (1983). Pracavaŭ na «Intehrale», u instytucie «Minskprajekt», Dziaržkino BSSR, na kinastudyi «Biełaruśfilm», u časopisie «Biarozka». Ad 2005 hoda — viadučy redaktar studyi «Letapis» Nacyjanalnaj kinastudyi «Biełaruśfilm».
Bolš za tryccać piać hadoŭ jaho tvorčaje žyćcio źviazana z dakumientalnym kino. Pa scenaryjach U.Maroza źniata zvyš 80-ci stužak, źviernutych da historyi i kultury Biełarusi. Jašče šeść filmaŭ jon źniaŭ jak kinarežysior.
Šerah karcin adznačany pryzami mižnarodnych kinafiestyvalaŭ.
Taksama Uładzimir Maroz — aŭtar 25 knih paezii, prozy, ese. Sioleta ŭ vydaviectvie «Halijafy»vyjšła jaho «Vybranaje» ŭ troch tamach.
U tvorčaj viečarynie voźmuć udzieł mastaki Aleś Rodzin i Źmicier Jurkievič, piśmieńniki Źmicier Višnioŭ, Michaś Tyčyna, Barys Piatrovič, Andrej Fiedarenka, Leanid Drańko-Majsiuk, Uładzimir Jahoŭdzik, mastak i paet Ryhor Sitnica.
