U Niamieččynie na darohu vyliłasia 15 tysiač litraŭ małaka

Tysiačy litraŭ małaka vylilisia na darohu i zamierźli ŭ zachodniehiermanskim rehijonie Viestfalija, paviedamlaje DPA.

U subotu ŭviečary nieviadomyja złamyśniki adkrucili drenažnyja krany ŭ pryparkavanym małakavozie. Kiroŭca ŭ hety čas byŭ zaniaty ź miascovymi fiermierami, u jakich źbiraŭ małako.

Kali kiroŭca viarnuŭsia, to ŭbačyŭ, što kala 15 tysiač litraŭ małaka raściaklisia pa darozie i zamierźli, pakolki tempieratura pavietra składała minus čatyry hradusy.

Na miesca zdareńnia pryjechali 20 supracoŭnikaŭ nadzvyčajnych słužbaŭ, jakija ačyścili darohu z dapamohaj haračaj vady i soli.

Palicyja acaniła ŭron u 10 tysiač jeŭra i pravodzić rasśledavańnie.

0

0

0

0

0

0