Eks-advakata Trampa prysudzili da troch hadoŭ turmy
Były advakat prezidenta ZŠA Donalda Trampa Majkł Koen atrymaŭ try hady turmy. Sud pryznaŭ jaho vinavatym pa ŭsich punktach abvinavačvańnia, pieradaje Reuters.
Pakarańnie jurystu Trampa było pryznačana pa sukupnaści abvinavačvańniaŭ. 36 miesiacaŭ źniavoleńnia byli prysudžany jamu za parušeńnie zakona ab finansavańni pieradvybarčaj kampanii i dva miesiacy — za davańnie łžyvych pakazańniaŭ Kanhresu. Adbyvać pakarańnie Koen pačnie z 6 sakavika.
Pierad kančatkovym vyniasieńniem prysudu Koen zajaviŭ, što ŭ poŭnaj miery biare na siabie adkaznaść za ŭsie dziejańni, u jakich jon pryznaŭsia, «jak za asabistyja, tak i za tyja, što tyčacca prezidenta ZŠA».
Pavodle jaho słoŭ, ślapaja viernaść u adnosinach da Trampa pastaviła jaho na niapravilny šlach.
Na praciahu niekalkich hadoŭ Koen byŭ davieranaj asobaj i advakatam Trampa. Uviesnu hetaha hoda suprać jaho raspačali niekalki kryminalnych spraŭ, paśla čaho prezident ZŠA zvolniŭ jaho.