Praz zabojstva Džamala Chašohi Saudaŭskaja Aravija moža zastacca biez prajekta na $500 miljardaŭ
Zamiežnyja inviestary admaŭlajucca ad prajekta koštam $500 miljardaŭ z-za pahrozy sapsavać sabie reputacyju, supracoŭničajučy z Er-Ryjadam, jaki padazrajuć u zabojstvie saudaŭskaha žurnalista Džamala Chašohi.
Nie tak daŭno naśledny prync Saudaŭskaj Aravii pravioŭ sustreču ź biznesmienami, na jakoj jany pačuli davoli ščyraje pryznańnie adnosna prajekta futurystyčnaha horada Nieom na pustynnym uźbiarežžy Čyrvonaha mora, piša Financial Times sa spasyłkaj na svaje krynicy.
«Nichto nie budzie inviestavać [u prajekt] na praciahu mnohich hadoŭ», — zajaviŭ naśledny prync Saudaŭskaj Aravii Muchamied bien Salman, raspavioŭ kaleha adnaho z prysutnych na hetaj sustrečy ŭdzielnikaŭ.
Vydańnie adznačaje, što hetyja słovy naślednika kažuć pra toje, što kryzis, vyklikany zabojstvam žurnalista Džamala Chašohi, pahražaje padarvać płany Er-Ryjada madernizavać karaleŭstva pry padtrymcy zamiežnaha kapitału i vopytu.
Adzin z kansultantaŭ prajekta pa pryvatnych inviestycyjach adznačyŭ, što budučynia Nieoma ciapier dakładna pad pytańniem. Inšyja kansultanty, u tym liku viadomy architektar Norman Foster, dystancyjavalisia ad prajekta z-za ryzyki sapsavać sabie reputacyju.
Nieom znachodzicca na paŭnočna-zachodnim uźbiarežžy karaleŭstva. Zaraz jon składajecca z pary pałacaŭ, dzie karol Salman Al Saud adpačyvaje letam. Taksama tam znachodzicca kurort, jaki prymaje delehacyi finansistaŭ i ekśpiertaŭ. Er-Ryjad pradstaviŭ prajekt dziełavoha i pramysłovaha horada Nieom ŭ pustyni letaś. Muchamied bien Salman adznačaŭ, što futurystyčny horad pavinien dapamahčy karaleŭstvu stać krainaj XXI stahodździa.