U ES chočuć zakryć party dla rasijskich sudnaŭ
Jeŭrapiejski parłamient rychtujecca pryniać u sieradu rezalucyju z zaklikam da krain-siabraŭ Jeŭrasajuza zakryć svaje party dla rasijskich sudnaŭ, jakija prypłyvajuć z Azoŭskaha mora. Pra heta havorycca ŭ adnoj z papravak da rezalucyi pra stan implemientacyi Pahadnieńnia ab asacyjacyi Ukraina-ES, piša «Ukrinform».
«Jeŭraparłamient zaklikaje krainy-siabry zakryć dostup da partoŭ ES dla rasijskich sudnaŭ, jakija prypłyvajuć z Azoŭskaha mora, pakul Rasija nie adnović svabodnuju navihacyju praz Kierčanski praliŭ i ŭ Azoŭskim mory», — havorycca ŭ papraŭcy, jakuju zrabiła hrupa Jeŭrapiejskaj narodnaj partyi, a taksama dakładčyk pa Ukrainie deputat Michael Haler.
Jeŭraparłamientaryi taksama asudžajuć naŭmysny akt ahresii Rasii suprać Ukrainy 25 listapada ŭ Kierčanskim pralivie, i patrabujuć nieadkładnaha i biezumoŭnaha vyzvaleńnia ŭkrainskich karabloŭ i marakoŭ, jakija pavinny atrymać status vajennapałonnych.
