Łukašenka — prezidentu Sudana: Mnie pryjemna, što vy pryjechali da nas zimoj
Biełaruś poŭnaja rašučaści realizavać usie damoŭlenaści z Sudanam. Pra heta Alaksandr Łukašenka zajaviŭ siońnia na pieramovach z prezidentam Sudana Amaram Chasanam Achmiedam al-Bašyram, paviedamlaje BiełTA
«Ja chaču vas zapeŭnić u tym, što my poŭnyja rašučaści realizavać usie našy damoŭlenaści nastolki chutka, nakolki budzie vaša vola i vola sudanskaha boku», - skazaŭ Alaksandr Łukašenka.
Kiraŭnik dziaržavy ŭspomniŭ pra svoj vizit u Chartum ŭ studzieni 2017 hoda. «Nam tady ŭdałosia dasiahnuć šerahu damoŭlenaściaŭ, jakija, biezumoŭna, zmohuć vyvieści nas na vielmi vysoki ŭzrovień supracoŭnictva. Prynamsi, my zmožam stvaryć fundamient našych adnosin, vykanaŭšy hetyja damoŭlenaści», - padkreśliŭ jon.
Alaksandr Łukašenka dadaŭ, što vizit Amara Chasana Achmieda al-Bašyra ŭ Minsk u śniežni z Chartuma, dzie tryccacihradusnaja śpiakota, — heta «dobry ekstrym». «Mnie vielmi pryjemna, što vy pryjechali da nas zimoj. Praŭda, siońnia nie zimovy dzień, ale dla taho, kab adčuć siabie na poŭnačy, tempieratury dastatkova», - adznačyŭ biełaruski kiraŭnik.
