Natalla Ejsmant: JEAES stvaraŭsia dla taho, kab kožny dzień było lepš. A tut paharšeńnie!
Pres-sakratarka prezidenta Natalla Ejsmant u intervju telekanału «Biełaruś 1» raspaviała padrabiaznaści pieramovaŭ lidaraŭ krain JEAES 6 śniežnia ŭ Sankt-Pieciarburhu.
Ejsmant raskazała pra nieabchodnaść likvidacyi barjeraŭ.
«Pra heta havorka idzie, vy viedajecie, pastajanna. Naohuł u hetym i była meta stvareńnia Jeŭrazijskaha ekanamičnaha sajuza — roŭnyja ŭmovy dla ludziej, subjektaŭ haspadarańnia. U čym nie maje racyju naš prezident? Što my bačym na samaj spravie — čym dalej, tym bolš barjeraŭ», — skazała Ejsmant.
«Dalej nakont hazu. Voś krasamoŭny prykład — učora naš prezident pryvioŭ usie arhumienty z hetaj nahody. Chiba nie pytańnie? Pytańnie», — praciahnuła pres-sakratarka Łukašenki.
Pavodle jaje słoŭ, jašče adno pytańnie tyčycca farmavańnia koštu na naftu.
«My ŭžo padličyli, što tolki za try apošnija hady Biełaruś niedaatrymała $3 miljardy 600 miljonaŭ. Vielmi surjoznaja suma. Bolš za toje, jość dalejšyja raźliki: pry najhoršym raźvićci padziej za nastupnyja čatyry hady my niedaatrymajem amal $11 miljardaŭ. Dla nas heta, jak vy razumiejecie, nieprymalna», — skazała Natalla Ejsmant.
«My ŭ sajuzie. A sajuz stvaraŭsia dla taho, kab kožny dzień było lepš. A tut jość paharšeńnie, dy jašče jakoje… Tamu abmierkavańnie było emacyjnym, ščyra skažam», — padkreśliła pres-sakratarka.
Apytanka
