U Kramli prakamientavali pikiroŭku Łukašenki i Pucina i anansavali jašče adnu sustreču ŭ hetym hodzie
Kamientujučy vostraje abmierkavańnie hazavaha pytańnia ŭ čaćvier u Sankt-Pieciarburhu na samicie JEAES, Dźmitryj Piaskoŭ adznačyŭ, što «heta było vielmi praduktyŭnaje, vielmi karysnaje pracoŭnaje mierapryjemstva, dzie viałasia mienavita pracoŭnaja razmova», piša TASS.
«Rabočaja razmova nie zaŭsiody maje na ŭvazie adzinstva mierkavańniaŭ. Vykazvalisia roznyja punkty hledžańnia, vykazvałasia niazhoda pa šerahu pytańniaŭ. Heta śviedčyć ab tym, što heta žyvy miechanizm, jaki zakranaje intaresy ŭsich krain-udzielnic», — rastłumačyŭ pradstaŭnik Kramla.
Jon padkreśliŭ, što «pierśpiektyvy ŭ JEAES bliskučyja, ale ŭ tym, što praca budzie zroblena vielmi napružanaja, nichto nie sumniavajecca».
Piaskoŭ dadaŭ, što Pucin i Łukašenka damovilisia pravieści jašče adnu sustreču ŭ hetym hodzie dla finalizacyi abmierkavańnia sprečnych pytańniaŭ.
