Akazałasia, što Google piersanalizuje vyniki pošuku navat u režymie inkohnita
Pošukavik DuckDuckGo abvinavaciŭ Google u tym, što ich pošukavyja mašyny pakazvajuć roznyja vyniki dla roznych ludziej u režymie inkohnita. Kampanija Google takim čynam manipuluje vynikami pošuku na asnovie vašych asabistych danych, paviedamlajuć analityki DuckDuckGo, piša Techcrunch.
Na praktycy heta aznačaje, što spasyłki pieramiaščajucca ŭvierch ci ŭniz abo dadajucca ŭ vyniki pošuku Google. Takim čynam, utvarajecca infarmacyjnaja burbałka, zasnavanaja na ałharytmach Google.
Burbałka źjaŭlajecca asabliva zhubnaj pry pošuku palityčnych tem, tamu što nierašučyja i dapytlivyja vybarščyki źviartajucca da pošukavych sistem, kab daviedacca infarmacyju pra kandydataŭ u toj krytyčny momant, kali jany farmujuć svajo mierkavańnie pa ich. Kali jany atrymlivajuć infarmacyju, jakaja schilajecca ŭ adzin bok, heta moža istotna paŭpłyvać na palityčnyja vyniki.
Dobraachvotnikaŭ paprasili ŭvieści ŭ pošukavy radok Google try zapyty na haračyja sacyjalnyja temy: kantrol abarotu zbroi (gun control), imihracyja (immigration) i vakcynacyi (vaccinations). U vyniku, navat u režymie inkohnita byli atrymany 62 roznyja nabory spasyłak. Hetyja razychodžańni nielha patłumačyć źmienami ŭ miescaznachodžańni, časam, sposabam uvachodu ŭ Google abo źmienami ałharytmaŭ testavańnia Google dla nievialikaha padmnostva karystalnikaŭ.
