Rumas vystupiŭ pa-biełarusku
Kiraŭnik futbolnaj fiederacyi Siarhiej Rumas na cyrymonii «Zorny miač — 2018» padvioŭ vynik futbolnaha siezona ŭ Biełarusi, pryčym źviarnuŭsia da aŭdytoryi pa-biełarusku.
«Pavažanyja siabry, dazvolcie vas pavinšavać z zakančeńniem futbolnaha siezona. A BATE — z załatymi miedalami. Pryjemna, što naš čempijon praciahvaje baraćbu ŭ Lizie Jeŭropy i maje dobryja šancy zabiaśpiečyć krainie futbolnuju jeŭraviasnu. Chaču pavinšavać i nacyjanalnuju kamandu z paśpiachovym zaviaršeńniem 2018 hoda ŭ Lizie nacyj. Niejki čas Ihar Mikałajevič Kryvušenka prymusiŭ nas pachvalavacca, ale ŭ adkazny momant jaho zbornaja prajaviła charaktar. Pryjemna, što naša zbornaja stała adzinaj, jakaja nie prapuściła nivodnaha miača. Tak što čakajem ad našych chłopcaŭ pryhožaha futboła i dalej. Ad imia fiederacyi chaču padziakavać usim, chto zrabiŭ futbolny hod zapaminalnym. Napieradzie nas čakajuć novyja pieramohi», — skazaŭ Rumas.
Siarhiej Rumas
Naradziŭsia ŭ 1969 u Homieli. Skončyŭ Jarasłaŭskaje vyšejšaje vajskovaje finansavaje vučylišča (1990) i Akademiju kiravańnia (1995).
Pracavaŭ u Dziaržbanku SSSR, kamiercyjnych bankach Biełarusi. Namieśnik staršyni praŭleńnia «Biełarusbanka» (2002—2005), staršynia praŭleńnia «Biełahraprambanka» (2005—2010), vice-premjer (2010—2012), staršynia praŭleńnia Banka raźvićcia (2012—2018), premjer-ministr (z 2018).
Staršynia Biełaruskaj fiederacyi futboła. Žanaty, maje čaćviarych synoŭ.