Adyjozny piśmieńnik Zachar Prylepin staŭ namieśnikam kiraŭnika MCHATa
Zachar Prylepin. Fota ź Vikipiedyi
Režysior Eduard Bajakoŭ pryznačany novym mastackim kiraŭnikom MCHATa imia Horkaha ŭ Maskvie. Pra heta 4 śniežnia na sustrečy z supracoŭnikami teatra paviedamili ministr kultury Rasii Uładzimir Miadzinski i daradca prezidenta Rasii Uładzimir Tałstoj.
Taksama namieśnikam mastackaha kiraŭnika pa tvorčaj rabocie pryznačany zasłužany artyst RF Siarhiej Puskiepalis, a namieśnikam pa litaraturnaj častcy — piśmieńnik Zachar Prylepin.
Taćciana Daronina, što kiravała teatram 30 hadoŭ, zojmie novuju, śpiecyjalna uviedzienuju dla jaje pasadu prezidenta teatra.
«My abiacajem, što teatr zachavaje svaju patryjatyčnuju, jarkuju pazicyju. Teatr budzie raźvivacca. Padtrymka teatra ministerstvam budzie pavialičana. Nivodnaja pastanoŭka teatra, jakaja karystajecca pośpiecham, nie budzie źniataja», — zajaviŭ Miadzinski.
