Abrana najhoršaje apisańnie seksu ŭ litaratury
Amierykanski piśmieńnik Džejms Frej staŭ łaŭreatam antypremii za najhoršaje apisańnie seksu ŭ litaratury 2018 hoda. Pra heta paviedamlaje The Guardian.
Uznaharodu aŭtaru prysudzili za raman «Kaciaryna». Na dumku členaŭ žury, u apisańniach Freja nastolki šmat «doŭhich sumnieŭnych eratyčnych pasažaŭ», što piśmieńnik moh by vyjhrać premiju «jašče niekalki razoŭ». Asabliva sudździ adznačyli scenu apisańnia seksu hałoŭnych hierojaŭ u vannaj u Paryžy.
«Aślaplalny nadzvyčajny niepieraadolny vybuch bielizny. O boža. […] My aboje stohniem, vočy, serca, dušy, cieła adzinyja. Adzinyja. Bieły. O boža. […] Ja zapluščvaju vočy, vydychaju. […] Ja prytulajusia da jaje, aboje dychajem ciažka, ja ŭsio jašče ŭnutry jaje, paśmichajusia», — cytuje Freja vydańnie.
U šort-list aŭtaraŭ, što kiepska apisali seks, uvajšoŭ, darečy, Charuki Murakami.
