Bulbianaja babka z morkvaj, jak u babuli RECEPT
Jość taki paniatak, jak «kamfortnaja ježa» — heta ježa, jakaja nie tolki daje pačućcio sytaści i zadavolenaści, ale i ŭzdymaje nastalhičnyja pačućci.
Tak, heta mienavity tyja samyja stravy, jakija hatujuć vašyja matuli i babuli. Ad ich stanovicca ciopła na dušy i ŭ hałavie adrazu ŭźnikajuć uspaminy dziacinstva. Navat pravodziacca daśledavańni, kab praličyć, nakolki takaja ježa moža padniać nastroj i pamienšyć stres, kab nadalej užyvać jaje ŭ tierapieŭtyčnych metach! Dla mianie rolu takoj voś stravy vykonvaje bulbianaja babka. Adrazu ŭzhadvajucca pajezdki da babuli, dom ź piečkaj i duchmianaja babka, jakuju tolki-tolki dastali z toj samaj piečki. I choć duchoŭka nie moža zamianić mnie pieč, babka usio roŭna atrymlivajecca smačnaj! Pakaštujcie i vy.
- 1 kh bulby;
- 1 cybulina;
- 1 morkvina;
- 70 hr. salonaj hrudzinki;
- 50 mł małaka;
- 1 jajka;
- 1/4 č. ł. sody;
- sol, pierac;
- alej.
Bulbu trom na drobnaj tarcy, jak na draniki. Razam z bulbaj trom pałovu cybuliny, kab bulba nie stała šeraj. Pieranosim na sita, kab syšła lišniaja vilhać. Ale lepš sabrać vadkaść z-pad bulby ŭ miscy, pačakać, pakul asiadzie kruchmał, źlić vadkaść i dadać kruchmał nazad da bulby.
Druhuju pałovu cybuliny drobna narazajem, morkvu trom na tarcy. Hrudzinku narazajem drobnymi kubikami. Na razahretuju patelniu kładziom hrudzinku, cybulu i morkvu, smažym da miakkaści.
Źmiešvajem smažaninu z bulbaj, dadajom małako, jajki i muku z sodaj. Solim, pierčym. Dobra pieramiešvajem i pierakładajem u formu ci harščočki, zmazanyja alejem. Nakryvajem falhoj i zapiakajem u duchoŭcy prykładna 40—50 chvilin pry 180 hradusach. Padajom sa śmiatanaj.