«Strała» pierakryvała praśpiekt Niezaležnaści dla prajezdu delehacyi. I trapiła ŭ avaryju z aŭtobusam VIDEA
Uviečary 27 listapada na praśpiekcie Niezaležnaści ŭ Minsku adbyłasia avaryja z udziełam milicejskaj «Strały», hramadzianskaha lehkavika «Reno» i aŭtobusa MAZ.
Aŭtamabil «Strały» vyjechaŭ na praśpiekt Niezaležnaści, kab pierakryć ruch dla prajezdu delehacyi. Bolšaść lehkavikoŭ spyniłasia, jašče adzin, «Reno», nie paśpiavajučy zatarmazić, pierastroiŭsia ŭ krajni levy šerah i spyniŭsia ŭ im. A voś aŭtobus, jaki jechaŭ u hetaj pałasie, nie paśpieŭ. Jon urezaŭsia ŭ «Reno» i adkinuŭ jaho na milicejskuju mašynu.
Pa papiaredniaj zajavie DAI, vinavatym budzie pryznany kiroŭca aŭtobusa — pavodle PDR, jon pavinien ruchacca z takoj chutkaściu, jakaja dazvolić jamu ekstrenna spynicca pierad pieraškodaj.
Karystalniki Anłajniera apublikavaŭ dva videa sa svaich rehistrataraŭ, na jakija trapiŭ momant avaryi.
