U čempijanacie Biełarusi pa futbole debiutavaŭ 17-hadovy hulec, jakoha vychoŭvaje 30-hadovy futbalist inšaj kamandy
Učora ŭ hulni «Dniapro» — «Dynama» (Minsk) u mahiloŭcaŭ zhulaŭ 17-hadovy Daniła Kavaloŭ. Heta byŭ debiut dla junaha futbalista ŭ vyšejšaj lizie. Cikava, što Daniła vychoŭvajecca jašče adnym futbalistam biełaruskaha čempijanatu.
Daniła Kavaloŭ. Fota FK «Dniapro».
U paŭabaroncy «Haradziei» Dźmitryja Ihnacienki — šaściora dziaciej. Starejšyja — Daniła i Jeva — dzieci jahonaj žonki Taćciany ad pieršaha šlubu, a čaćviora dzietak źjaŭlajucca rodnymi dla 30-hadovaha spartoŭca.
Jak pryznavaŭsia Ihnacienka ŭ intervju, dziaciej jon nie dzielić i ŭsich ličyć svaimi. Adnojčy na pravach baćki Dźmitryj byŭ vymušany surjozna parazmaŭlać z Daniłam, kali praź pieršaje kachańnie toj pačaŭ mienš uvahi źviartać na vučobu i treniroŭki.
Pakul siamja žyvie ŭ Minsku na zdymnaj kvatery, ale časta źbirajucca razam u Mahilovie, dzie žyvuć starejšyja dzieci.
Dźmitryj Ihnacienka dapamahaje mahiloŭskamu domu niemaŭlaci, a taksama aktyŭna ŭdzielničaje ŭ dabračynnych akcyjach, jakija ładzić futbolny kłub.
