Čamu «Słuck» źbieh ad svaich zaŭziataraŭ i chto budzie druhim lišnim? Pytańni dvaccać dziaviataha tura vyšejšaj lihi
Razam z Bukmiekierskaj kantoraj Marafon sočym za pieradapošnim turam našaj vyšejšaj lihi.
U hetuju sieradu «Šachcior» upieršyniu za čatyry z pałovaj hady zdoleŭ pieramahčy BATE. Vyniesienaja hulnia 28-ha tura była vielmi važnaj dla salihorcaŭ u baraćbie za «srebra» — ciapier jany hałoŭnyja favaryty hetaj honki.
Paśla minułaha tura ź jeŭrakubkavymi nadziejami raźvitałasia bresckaje «Dynama» (0:1 u Haradziei), a z vyšejšaj lihaj — «Dniapro». Słabaja nadzieja mahiloŭcaŭ była raźbitaja zvyšmatyvavanym kalektyvam minskaha «Tarpieda». Pieramoha dazvoliła «aŭtazavodcam» uskočyć ažno na 13-y radok tablicy.
Ciapier bolš padrabiazna pra padziei 29-ha tura, usie matčy jakoha startujuć u adzin čas — 24 listapada a 14:00.
«Tarpieda-Minsk» — «Tarpieda-BiełAZ»
- Minsk, SAK «Alimpijski»
- Kaeficyjenty: «Tarpieda-Minsk» (pieramoha) — 3.70; ničyja — 3.20; «Tarpieda-BiełAZ» (pieramoha) — 2.05
Paśla ničyjoj z «Pramieniem» žodzincy amal stracili šancy na «jeŭrakubkavy» čaćviorty radok. Ale raźličvać na toje, što ŭ «čorna-biełym» derbi kamanda Kubarava dapamoža minskim siabram vyratavacca ad vyletu, nie varta.
Hulcy minskaha «Tarpieda» śviatkujuć pieramohu nad «Dniaprom» razam z fanatami. Fota FK «Tarpieda-Minsk».
Panazirać za hulnioj budzie vielmi cikava — abiedźvie kamandy nabrali chod: u Žodzina vosiem matčaŭ biez parazaŭ i prapuščanych miačoŭ, u Minska — dźvie pieramohi zapar z ahulnym likam 6:1.
Prahnoz «NN»: pieramoha «Tarpieda-BiełAZ».
«Dniapro» — «Dynama-Minsk»
- Mahiloŭ, stadyjon «Spartak»
- Kaeficyjenty: «Dniapro» (pieramoha) — 16.00; ničyja — 7.90; «Dynama» (pieramoha) — 1.135
Kapitan «Dniapra» Alaksandr Paŭłaŭ skazaŭ, što «Dynama» nie zavajuje miedali, bo im jašče hulać z mahiloŭcami.
Heta vyhladaje davoli śmiešna z boku pradstaŭnika biezapielacyjna horšaj kamandy čempijanatu, ale bieź ciažaru turnirnaj baraćby «Dniapro» moža i narabić siurpryzaŭ.
Ale bukmiekiery słovy Paŭłava zusim nie ŭsprymajuć.
Prahnoz «NN»: pieramoha «Dynama».
«Słuck» — «Isłač»
- Babrujsk, stadyjon imia A. Prakapienki
- Kaeficyjenty: «Słuck» (pieramoha) — 2.88; ničyja — 2.84; «Isłač» (pieramoha) — 2.70
Słuččaki zrabili najkruciejšy padarunak dla svaich zaŭziataraŭ pierad apošniaj chatniaj hulnioj siezona — pieranieśli jaje ŭ Babrujsk.
Jość viersija, što heta bolš źviazana z uhodkami Słuckaha zbrojnaha čynu, čym z «mahčymymi niespryjalnymi ŭmovami nadvorja». Ale jak by toje ni było, u vyniku atrymajecca panylejšaja hulnia dźviuch niematyvavanych kamand biez hladackaj zacikaŭlenaści.
Prahnoz «NN»: «Isłač» nie sastupić.
«Viciebsk» — «Haradzieja»
- Viciebsk, CSK FK «Viciebsk»
- Kaeficyjenty: «Viciebsk» (pieramoha) — 1.48; ničyja — 3.75; «Haradzieja» (pieramoha) — 7.80
My b nie byli nastolki adnaznačnymi ŭ prahnozach na hetuju hulni, jak bukmiekiery.
«Haradzieja» vyjhrała apošnija try hulni z ahulnym likam 10:1 i jašče moža zaskočyć u pieršuju pałovu tablicy, vykinuŭšy adtul panyły «Słuck».
U apošnim tury «Haradzieja» pieramahła ŭ bresckaha «Dynama». Fota FK «Haradzieja».
«Viciebsk» ža paśla dźviuch parazaŭ ad pramych kankurentaŭ za miedali zmoh pieramahčy ŭ «Isłačy». Ci zmoža spravicca z «Haradziejaj» — toje jašče pytańnie.
Prahnoz «NN»: totał bolšy za 2,5.
«Dynama-Brest» — «Homiel»
«Homiel» nie moža pieramahčy ŭžo siem turaŭ. U aktyvie «bieła-zialonych» za hety čas — adzin turnirny bał i stolki ž hałoŭ. Da ŭsich prablem kamandy dadalisia padazreńni va ŭdziele ŭ damoŭnaj hulni padčas mižsiezonnaha zboru na Kipry.
U «Dynama» ž svaje razborki: kłub padaŭ skarhu ŭ mižnarodny spartovy arbitraž nakont rašeńnia ABFF spahnać z kłuba 265 tysiač dalaraŭ za pierachod Paŭła Savickaha. Sam hulec dapamoh zbornaj prabicca ŭ płej-of Lihi nacyj i ŭ čempijanacie moža paśpieć jašče dalej adarvacca ad kankurentaŭ u honcy bambardziraŭ.
Prahnoz «NN»: pieramoha «Dynama».
«Minsk» — «Nioman»
- Stadyjon FK «Minsk»
- Kaeficyjenty: «Minsk» (pieramoha) — 2.88; ničyja — 2.84; «Nioman» (pieramoha) — 2.70
«Nioman» zachras na siomym radku i nie moža vyjhrać užo piać turaŭ zapar. Na ščaście hrodziencaŭ — za imi apynuŭsia «Słuck» ź jahonymi prablemami, tamu ni vyšej, ni nižej «Nioman» užo nie zrušycca.
«Minsk» u hetym siezonie paŭstaŭ jaskravaj, ale niestabilnaj kamandaj, jakaja moža trojčy zabić lidaram tablicy, a potym skrucicca ad kamandy kštałtu «Isłačy». Cikava budzie panazirać za kalektyvam Łuchviča ŭ budučyni.
Prahnoz «NN»: «Minsk» nie sastupić.
«Smalavičy» — «Šachcior»
- a/h Kastryčnicki
- Kaeficyjenty: «Smalavičy» (pieramoha) — 9.10; ničyja — 4.45; «Šachcior» (pieramoha) — 1.36
Paśla 22-ha tura «Smalavičy» šli na adzinaccatym radku tablicy za vosiem bałaŭ ad zony vyletu. Vyrašyŭšy, vidać, što sprava zroblenaja, hulcy rassłabilisia, što vyliłasia ŭ šeść matčaŭ bieź pieramoh i pramiežkavy čatyrnaccaty radok, jaki lohka moža pieraŭtvarycca ŭ harbuz pieradapošni, što vyljecca ŭ zajmalny nastupny siezon na prastorach pieršaj lihi.
Dzianis Łapcieŭ zabiŭ dvojčy ŭ bramu BATE. Fota FK «Šachcior».
Kab «Šachcioru» atrymać srebranyja miedali, treba ŭ apošnich turach adoleć «Smalavičy» i «Minsk». Zadača dla kalektyva Tašujeva nie samaja składanaja.
Prahnoz «NN»: pieramoha «Šachciora».
BATE — «Pramień»
«Pramień» u apošnich dzieviaci turach sastupiŭ tolki adnojčy, ale heta nie nadta dapamahło kamandzie Bijončyka adarvacca ad zony vyletu.
Trenierski štab BATE zachoča źbierhačy lidaraŭ pierad važnaj hulnioj u Lizie Jeŭropy, ale paśla aplavuchi ŭ Salihorsku treba budzie reabilitavacca pierad zaŭziatarami.
Prahnoz «NN»: pieramoha BATE.
TURNIRNAJA TABLICA
Dzialiciesia prahnozami ŭ kamientarach, a taksama padumajcie nad pieradapošniaj mahčymaściu schadzić na stadyjon u hetym hodzie! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
