21 listapada ŭ Kołasaŭskim teatry — premjera «Symona-muzyki»

U Nacyjanalnym akademičnym dramatyčnym teatry imia Jakuba Kołasa ŭ Viciebsku 21 listapada adbudziecca premjera śpiektakla «Symon-muzyka» pavodle adnajmiennaj paemy Jakuba Kołasa, piša BiełTA.

Premjera pryśviečana Dniu zasnavańnia teatra i 100-hodździu napisańnia i vydańnia pieršaj redakcyi paemy.

Pastanoŭku ažyćciaviŭ mastacki kiraŭnik teatra Michaił Krasnabajeŭ. Za asnovu śpiektakla ŭziataja pieršaja redakcyja paemy, datavanaja 1918 hodam, vykarystany taksama paźniejšyja - druhaja i treciaja.

U pastanoŭcy šmat muzyčnych, płastyčnych, tancavalnych numaroŭ. Muzyku stvaryŭ kampazitar Arciom Krasnabajeŭ, chareahrafija Dzijany Jurčanka. Aŭtar scenahrafii i kaściumaŭ - hałoŭny mastak teatra Śviatłana Makaranka.

0

0

0

0

0

0