Pašynian budzie patrabavać ad Łukašenki tłumačeńniaŭ
president.gov.by
V.a. premjer-ministra Armienii Nikoł Pašynian zapatrabuje tłumačeńniaŭ ad Alaksandra Łukašenki ŭ suviazi z abmierkavańniem situacyi vakoł ADKB z krainaj, jakaja nie źjaŭlajecca členam hetaj arhanizacyi — Azierbajdžanam, paviedamlaje news.am.
16 listapada ŭ hutarcy z žurnalistami Nikoł Pašynian zajaviŭ: «Heta prykładna toje ž samaje, jak kali b naprykład ja zaprasiŭ jakoha-niebudź zamiežnaha pasła krainy, jakaja nie źjaŭlajecca členam ADKB, i raspavioŭ jamu pra pasiedžańnie, jakoje prajšło ŭ farmacie začynienych dźviarej. Ja ździŭleny tym, što čałaviek, jaki zajmaje status kiraŭnika dziaržavy na praciahu 30 hadoŭ [nasamreč 24 — NN], moh dazvolić sabie padobny krok. I ja, viadoma, pavinien zapatrabavać tłumačeńniaŭ ad prezidenta Biełarusi i nie tolki ad prezidenta Biełarusi».
Nikoł Pašynian zapatrabuje tłumačeńniaŭ taksama ad prezidenta Kazachstana Nursułtana Nazarbajeva za vystupy z zajavami, jakija supiarečyli adna adnoj. U pryvatnaści, paśla pasiedžańnia samita ADKB jon zajaviŭ, što na pasadu hienieralnaha sakratara arhanizacyi budzie pryznačany pradstaŭnik Biełarusi.
Nahadajem, što 12 listapada na sustrečy z pasłom Azierbajdžana Łukašenka raspavioŭ Łatyfu Handziłavu, jak prajšła sustreča Rady ADKB u Astanie i dzie abmiarkoŭvałasia pytańnie pryznačeńnia novaha hienieralnaha sakratara arhanizacyi zamiest pradstaŭnika Armienii.
«Pytańnie ŭ tym, što Nikoł Pašynian pavinien prosta va ŭradzie razabracca ź situacyjaj, bo hetaja kraina siońnia ŭznačalvaje JEAES, naš ekanamičny sajuz, i ADKB — vielmi vialikaja nahruzka na krainu, jakaja znachodzicca ŭ takim pierachodnym pieryjadzie. I ci daść rady Armienija? Kali Nikoł Pašynian raźbiarecca i daść nam adkaz, heta budzie ŭ Sankt-Pieciarburhu», — skazaŭ tady Łukašenka.
Cikava taksama, što 19 listapada zapłanavanyja taksama ŭ Minsku pieramovy Alaksandra Łukašenki i prezidenta Azierbajdžana Ilchama Alijeva.
