Indyjec źniaŭsia z kobraj na plačach i pamior VIDEA

U Indyi mužčyna pasprabavaŭ zrabić efiektnyja kadry z kobraj i pamior ad jaje ŭkusu, paviedamlaje brytanskaja Daily Mail.

24-hadovy Dž Džahadziš zajšoŭ da 50-hadovaha zaklinalnika źmiej i vyrašyŭ sfatahrafavacca ź jaho kobraj. Usio zdymaŭ na videa siabar Džahadziša.

Zaklinalnik źmiej pieradaŭ Džahadzišu reptyliju, i toj pakłaŭ jaje sabie na plečy, prytrymlivajučy za hałavu. Indyjec paprasiŭ siabra sfatahrafavać jaho, kali kobra ŭkusiła jaho ŭ ruku. Vidavočcy vyklikali chutkuju, mužčynu advieźli ŭ balnicu, dzie lekary kanstatavali jaho śmierć.

Palicejskija adznačyli, što zaklinalnik źmiej vyrvaŭ ikły ŭ kobry i adpampavaŭ ź jaje jad niekalki tydniaŭ tamu, ale za hety čas źmiaja znoŭ jaho nazapasiła. Na zaklinalnika zaviali kryminalnuju spravu.

0

0

0

0

0

0