Ministr kibierbiaśpieki Japonii pryznaŭsia, što nikoli nie karystaŭsia kampjutaram
68-hadovy Jošytaka Sakurada — namieśnik načalnika ŭradavaha ŭpraŭleńnia pa stratehii kibierbiaśpieki, a taksama ministr, adkazny za Alimpijadu 2020 hoda ŭ Tokia. 14 listapada na pasiadžeńni parłamienta Sakurada pryznaŭsia, z 25 hadoŭ zajmaŭsia vyklučna kansultavańniem i nikoli nie dakranaŭsia da kampjutaraŭ, paviedamlaje The Guardian.
Fota: pixabay.
Vystup Sakurady vyklikaŭ krytyku z boku apazicyi.
Apazicyjny deputat Masata Imaj zajaviŭ:
«Nievierahodna, što toj, chto nie dakranaŭsia da kampjutaraŭ, niasie adkaznaść za palityku kibierbiaśpieki».
Sakurada patłumačyŭ niaŭmieńnie karystacca kampjutaram zaniataściu ŭ maładości.
Ja ŭ maładości ŭparta pracavaŭ, byŭ mocna zaniaty i nie paśpieŭ asvoić kampjutar. Potym ja vyras pa słužbie i staŭ sam davać ukazańni supracoŭnikam i sakrataram. Mnie niama čaho ciapier samomu barabanić pa kłavijatury kampjutara.
