Łukašenka zajaviŭ, što ŭ nastupnym hodzie pačniecca palityčnaja vakchanalija
Alaksandr Łukašenka padkreślivaje, što ŭ pieryjad budučych elektaralnych kampanij praca vykanaŭčaj viertykali pavinna ažyćciaŭlacca efiektyŭna i biez zbaŭleńnia abarotaŭ. Pra heta jon zajaviŭ siońnia pry vyrašeńni kadravych pytańniaŭ u dačynieńni da kiraŭnikoŭ na miescach, piša BiełTA.
«Budučy hod — heta hod surjozny. U nas pačynajecca palityčnaja «vakchanalija», jakaja praciahniecca minimum paŭtara hoda. I vybary parłamienta, i prezidenta. Jany nikoli nie dadavali stabilnaści i spakoju ŭ našym hramadstvie.
Nam treba va ŭłaścivaj maniery prajści hety etap, nie skinuŭšy abaroty. Narod nam heta nie daruje. Palityčnaja kampanija — heta ispyt. Tamu nam pryjdziecca zdavać i adzin, i druhi ekzamien, i davać spravazdaču pierad narodam. Našy ludzi ŭmiejuć pytacca. Da hetaha treba być hatovymi i vyrazna kiravać tymi pracesami, jakija buduć u śfiery vašaha viadzieńnia», — zajaviŭ biełaruski kiraŭnik.