Piśmieńnik dastupna patłumačyŭ mužčynam, što adčuvajuć žančyny paśla hvałtoŭnych dziejańniaŭ
Niadaŭna amierykanski piśmieńnik A. R. Moksan zaprasiŭ usich mužčyn paŭdzielničać u praktykavańni pa raźvićci empatyi. Pra heta piša lifter.com.ua sa spasyłkaj na Bored Panda.
Jon apisaŭ žanočy dośvied seksualnaha hvałtu, sutyknieńnie z seksizmam tak, kab heta było zrazumieła mužčynam.
Spadar Moksan.
«Kali kazać na sacyjalnym makraŭzroŭni, u adnosinach pałoŭ empatyja zvyčajna pracuje ŭ adzin bok, — kaža Moksan. — Pa maim dośviedzie, žančyny razumiejuć mužčyn, a voś mužčyny nie vielmi imknucca zrazumieć žančyn. Inšymi słovami, žančynam davodzicca razumieć pačućci mužčyn dziela ŭłasnaj biaśpieki. U mužčyn situacyja inšaja, tamu im heta nie treba, kali jany sami nie zachočuć. A ŭ asnoŭnym my hetaha nie chočam».
Pryznačeńnie sudździ Breta Kavana ŭ Viarchoŭny sud ZŠA vyklikała chvalu pratestaŭ pa ŭsim śviecie, tamu što kandydat abvinavačvaŭsia ŭ seksualnym hvałcie.
Spadar Moksan vyrašyŭ dapamahčy mužčynam zrazumieć, čamu žančyn tak razdražniaje historyja z pryznačeńniem Breta Kavana i staŭleńniem da seksualnaha hvałtu ŭ hramadstvie.
Tamu jon prydumaŭ idealnuju anałohiju:
«Pryvitańnie, mužyki! Ujavicie sabie, što adnojčy vam dali pa jajkach — z usioj siły, naŭmysna. Vy sahnulisia napałam. Zavyli ad bolu. Ledź nie stracili prytomnaść.
A potym vas udaryli jašče raz. I jašče.
Ujavicie sabie, što heta adbyłosia, kali vam było 12. Ujavicie sabie, što heta zrabiła 38-hadovaja žančyna. Ujavicie, što heta była siabroŭka i biznes-partniorka vašaj maci.
Ujavicie, što potym baćka patłumačyŭ vam, što žančynam prosta padabajecca bić mužykoŭ pa jajkach, tamu, jak usiaki chłopčyk, vy pavinny być aściarožnymi.
Ujavicie, što jon daŭ vam padrabiaznyja praktyčnyja rekamiendacyi.
Ujavicie, što vy stali rehularna płanavać, jak paźbiehnuć udaru pa jajkach.
Ujavicie, što vy zaŭvažyli, što žančyny, u tym liku značna starejšyja za vas (i navat pažyłyja), pastajanna hladziać na vašy jajki. Žančyny pieraśledujuć vas na vulicy. Jany adpuskajuć kamplimienty vašym formam. Jany kažuć, što vy hladzielisia b pryvabniej, kali b trochi bolš pakazali jajki.
Ujavicie, što vy pačali nasić vopratku, kab chavać ich. Vy kupili niajomkuju formu supracoŭnika achovy.
Na ŭsich płakatach i rekłamach va ŭsich časopisach malujuć mužčynskija mašonki, pryčym časta hałava ŭ kadr nie traplaje.
Pobač dla kantrastu časta publikujuć fatahrafii žanočych stupniaŭ.
Ujavicie, što bolšaść siabroŭ raspaviadzie vam, što ich taksama bili pa jajkach.
Ujavicie, što nichto ź ich nikomu bolš u hetym nie pryznajecca.
Ujavicie, što ŭsie staršakłaśnicy ŭ škole žartujuć pra toje, jak by ŭrezać vam pa jajkach.
Ujavicie sabie, jak usie z hetaha ržuć. Heta ž takija śmiešnyja žarty! Žartački.
Ujavicie, što vy pajšli ŭ carkvu, a tam vam skazali, što Boh nadzialiŭ žančyn žadobaj da vašaha cieła, tamu vy luboj canoj pavinny abaraniać svaje jajki.
Ujavicie, što śviatar kaža vam, što vaš abaviazak jak padrastajučaha chłopčyka — nie vieści siabie tak, kab dziaŭčynkam zachaciełasia ŭrezać vam pa jajkach.
Ujavicie, što vy znajšli sabie dziaŭčynu, vy kachajecie adno adnaho.
Adnojčy vy ź joj zabaŭlalisia, i raptam jana ŭziała i kolki jość siły ŭrezała vam pa jajkach, z-za čaho na vas adrazu abrynuli niepryjemnyja ŭspaminy.
Ujavicie, što jana zajaviła, byccam vy sami jaŭna chacieli atrymać pa jajkach, i vyśmiejała vašu zališnie emacyjnuju reakcyju.
Ujavicie, što vy zajavili ŭ palicyju, a ŭ adkaz vas spytali: što na vas było nadzieta, kali jana dała vam pa jajkach? Być moža, vy vypivali? A čym vy zajmalisia da taho? Moža, raspranulisia? Dy jašče i całavalisia?
Tak jano i było. Tamu vy syšli.
Ujavicie, što ŭ zakonie havaryłasia b, što kali žonka ŭdaryć muža pa jajcach, to heta nie napadzieńnie.
Ujavicie, što vy čuli historyi pra mužčyn z razarvanaj mašonkaj, jakija byli vymušanyja sami apłačvać miedycynski ahlad.
Ujavicie, što vy daviedalisia pra statystyku: tolki 1% udaraŭ pa jajcach zakančvajecca sudovym abvinavačvańniem.
Ujavicie, što dziaŭčynku złavili b na tym, što jana doŭha biła chłopčyka pa jajkach, kali jon byŭ pjany i nieruchomy.
Ujavicie, što sudździa apraŭdała b jaje, kab nie škodzić jaje pierśpiektyvam. Bo dziaŭčynka była čempijonkaj pa płavańni i atrymlivała stypiendyju.
Ujavicie, što takoje adbyvałasia b zaŭsiody i paŭsiul.
Ujavicie, što adnojčy mužčyny pačali b kazać pra toje, što amal kožny ź ich u niejki momant žyćcia atrymlivaŭ udar pa jajkach.
Ujavicie, što hałoŭnym kłopatam žančyn było b toje, što łžyvyja abvinavačvańni mohuć sapsavać im reputacyju i što hetaja novaja ščyraść moža razburyć tainstva seksu.
Ujavicie, što prezidentam nikoli nie byŭ mužčyna.
Ujavicie, što žančyna spaborničaje na vybarach ź pieršym u historyi prachadnym kandydatam mužčynskaha połu.
Ujavicie, što ŭ jaho jość dośvied, a ŭ jaje niama.
Ujavicie, što jana ŭsio roŭna pieramahła.
Ujaŭlajecie?
Ja nie mahu ŭjavić sabie, nakolki žančyny siońnia raźjušanyja. Ale heta praktykavańnie, chaj i abstraktnaje, dapamahło mnie krychu-krychu nablizicca da razumieńnia.
Budźcie dobryja da žančyn, mužyki. Siońnia i zaŭsiody. A kali ŭbačycie, jak niechta kryŭdzić žančyn, ździekujecca ź ich abo raspuskaje ruki … Dajcie jamu pa jajkach.
Darečy, heta 100% varjactva, što hetaja prablema naohuł patrabuje praviadzieńnia anałohij, kab pakazać, nakolki niapravilna pavodzić siabie naša hramadstva, ale što zrobiš.
