Partyja BNF vinavataja 29 tysiač rubloŭ za ofis, ich mohuć vysielić
Lidar Partyi BNF Ryhor Kastusioŭ raskazaŭ «Našaj Nivie», što partyja akazałasia ŭ ciažkim finansavym stanoviščy.
Ryhor Kastusioŭ. Fota Siarhieja Hudzilina.
«U siaredzinie kastryčnika my atrymali list ad «Domenierhaservisa» z pretenzijam ab niaspłacie arendy. Nam prapanoŭvałasia da 5 listapada pakinuć pamiaškańnie pa adrasie Čarnyšeŭskaha, 3. Paśla hetaha nam atrymałasia sustrecca z kamunalnikami. My prapanavali svoj hrafik apłaty pamiaškańnia, «Domenierhaservis» prapanavaŭ svoj. My byli vymušanyja padpisać ichni. Ciapier usie pavinny spłacić da 31 śniežnia», — raskazvaje Ryhor Kastusioŭ.
Pa jahonych słovach, zapazyčanaść skłała 28 tysiač 950 rubloŭ. Kala dźviuch tysiač pazyki partyja ŭžo spłaciła. «My źviartajemsia da ŭsich z prośbaj ab dapamozie», — kaža kiraŭnik BNF.
Ryhor Kastusioŭ kaža, što cana arendy 1 mietra kvadratnaha ŭ miesiac składaje 22 rubli. «A ŭ nas 99 mietraŭ tolki ofisnych płoščaŭ», — kaža Kastusioŭ. Palityk raskazvaje, što kaliści jany płacili arendu z kaeficyjentam 0,1, to bok usiaho 10%, ciapier ža im vystaŭleny kaeficyjent 3. Sproby rašyć hetaje pytańnie praz urad, Administracyju prezidenta ci Minharvykankam nie atrymałasia.
