Bierlin asudziŭ vychad ZŠA z Damovy pra rakiety siaredniaj dalnaści
Dziaržministr MZS FRH Nils Anien zajaviŭ, što słovy prezidenta ZŠA Donalda Trampa pra vychad z Damovy ab likvidacyi rakiet siaredniaj i małoj dalnaści (DRSMD) źjaŭlajucca razburalnymi. Pra heta jon napisaŭ u Twitter.
«Razburalnaje rašeńnie prezidenta Trampa ab vychadzie z DRSMD. My praciahniem pracu pa jadziernym razzbrajeńni», — cytuje RBK kamientar Aniena. Jon dadaŭ, što Rasija pavinna vykonvać svaje abaviazacielstvy pa damovie, i padkreśliŭ, što Jeŭropie nieabchodna nie dapuścić «novaj madernizacyi rakiet siaredniaj dalnaści».
Napiaredadni na sustrečy sa svaimi prychilnikami ŭ štacie Nievada Tramp zajaviŭ, što maje namier vyjści z DRSMD, abvinavaciŭšy Maskvu ŭ parušeńni damovy. Pavodle jaho, u Rasii raspracoŭvajuć rakietnyja sistemy, z dapamohaj jakich možna nanieści jadzierny ŭdar pa krainach Jeŭropy.
Namieśnik kiraŭnika MZS Rasii Siarhiej Rabkoŭ ŭ adkaz na słovy Trampa zajaviŭ, što kali ZŠA praciahnuć ŭ adnabakovym paradku vychodzić z pahadnieńniaŭ, to Maskvie «ničoha nie zastaniecca, akramia jak raspačać zachady ŭ adkaz, u tym liku vajenna-techničnaha charaktaru.
Drukujecca ŭ miežach śpiecyjalnaj rubryki «Naviny Hiermanii»