Pad Kijevam u DTZ zahinuła artystka papularnaha šou Maryna Papłaŭskaja. Siarod traŭmavanych biełarus Jaŭhien Smaryhin
facebook.com/dizelshow
Ranicaj, 20 kastryčnika kala 05:55, na 28 kiłamietry aŭtatrasy Kijeŭ — Čop kala vioski Miłaja sutyknulisia aŭtobus «Nieapłan», u jakim jechali artysty papularnaha «Dyziel-šou», i hruzavik. U vyniku avaryi zahinuła pasažyr aŭtobusa - aktrysa Maryna Papłaŭskaja, paviedamlaje kp.ua sa spasyłkaj na Nacpalicyju. Pišacca, što kiroŭca aŭtobusa jechaŭ z chutkaściu 100 km/h.
Maryna Papłaŭskaja — papularnaja humarystyčnaja artystka i śpiavačka, redaktar ukrainskaha KVZ, kapitan kamandy «Dziaŭčaty z Žytomira». Bolš za 30 hadoŭ Papłaŭskaja adpracavała nastaŭnicaj ukrainskaj movy i litaratury ŭ škole.
«U aŭtobusie znachodzilisia 14 pasažyraŭ. Adna žančyna zahinuła, čaćviora pasažyraŭ aŭtobusa atrymali traŭmy roznaj stupieni ciažkaści», - raspaviali ŭ viedamstvie, dadaŭšy, što ŭsie paciarpiełyja byli špitalizavany.
U fejsbuku na staroncy «Dyziel-šou» paviedamlajecca, što siarod ich — Jaŭhien Smaryhin, kolišni ŭdzielnik minskaj kamandy KVZ «ČP». Jaŭhien pierajechaŭ va Ukrainu i zdymajecca ciapier u «Dyziel-šou». U Smaryhina pierałom nahi.
Maryna Papłaŭskaja i Jaŭhien Smaryhin, fota Dyziel studya