Pavieł Sieviaryniec pačaŭ trochmiesiačnyja lidarskija kursy
U Minsku pačalisia trochmiesiačnyja biaspłatnyja lidarskija kursy Paŭła Sieviarynca, raniej viadomyja jak «Kursy dydžejaŭ Adradžeńnia». Pieršy zaniatak u kulturnickaj prastory «Tartak» sabraŭ poŭnuju zalu ŭdzielnikaŭ usich uzrostaŭ.
Nahadajem, pieramožcami papiarednich kursaŭ, jakija pravodziacca z 1999 hoda, byli Andruś Kim i Nasta Pałažanka-Daškievič, Źmicier Chviedaruk i Barys Harecki, Dzianis Sadoŭski i Volha Kavalkova, Aleś Mazanik i Aleh Korban, dy mnohija inšyja lidary novaha pakaleńnia.
Prahrama kursaŭ uklučaje zaniatki pa biełarusaznaŭstvie, indyvidualnaj i masavaj psichałohii, teoryi i praktycy šou, mieniedžmiencie, raspaznavańni paklikańnia, adkaznym lidarstvie, miedyjnych i sietkavych technałohijach, a taksama praktyčnyja vyprabavańni.
Kursy prachodziać pry padtrymcy kampanii «Budźma biełarusami!».
