Pahraničniki bačać niebiaśpieku dla Biełarusi ŭ terytaryjalnych pretenzijach susiednich dziaržaŭ i farmiravańni na pamiežžy sieparatysckich nastrojaŭ
Na sajcie pravo.by źjaviŭsia aficyjny ŭkaz Alaksandra Łukašenki pad numaram №410. U im viadziecca havorka «Ab zabieśpiačeńni pahraničnaj biaśpieki Respubliki Biełaruś na 2018-2022 hady». U dakumiencie adznačajecca, što kancepcyja nakiravanaja na «pavyšeńnie stanu abaronienaści nacyjanalnych intaresaŭ u pryhraničnych terytoryjach ad źniešnich i ŭnutranych pahrozaŭ».
Fota Siarhieja Hudzilina.
Voś, jakija hałoŭnyja vykliki adznačajucca stvaralniki hetaha dakumienta:
Uźniknieńnie miždziaržaŭnych supiarečnaściaŭ pa pytańniach prachodžańnia dziaržaŭnaj miažy i pradjaŭleńnie Respublicy Biełaruś terytaryjalnych pretenzij, u tym liku z namieram prymianić vajennuju siłu;
- Spynieńnie kantaktaŭ pa linii pahraničnych upaŭnavažanych i ŭzajemadziejańnia pa rašeńni pamiežnych pytańniaŭ z sumiežnymi dziaržavami, ažyćciaŭleńnie pravakacyj, u tym liku ŭzbrojenych, na dziaržaŭnaj miažy;
Ažyćciaŭleńnie aktaŭ teraryzmu abo inšych ekstremisckich dziejańniaŭ u Respublicy Biełaruś asobami, datyčnymi da ekstremisckich, u tym liku terarystyčnych, arhanizacyj, niezakonnych uzbrojenych farmiravańniaŭ, mižnarodnych złačynnych hrupaŭ, inšymi radykalna nastrojenymi asobami, jakija metanakiravana prybyli ŭ Respubliku Biełaruś;
- Dezarhanizacyja sistemy dziaržaŭnaha kiravańnia na prymiežnaj terytoryi, vyklikanaja vysokim uzroŭniem transhraničnaj arhanizavanaj złačynnaści i karupcyi;
Farmiravańnie siarod nasielnictva pryhraničnaj terytoryi antykanstytucyjnych nastrojaŭ, zasnavanych na sieparatysckich idejach, dziejańni, nakiravanyja na praktyčnuju realizacyju takich idej;
- Uźniknieńnie mižetničnych i mižkanfiesijnych kanfliktaŭ, a taksama pavyšeńnie pratestnaj aktyŭnaści nasielnictva na prymiežnaj terytoryi da krajniaj formy — masavych biesparadkaŭ, jakija pryviali b da niezakonnaha pierasiačeńnie dziaržaŭnaj hranicy;
- Abmiežavańnie tranzitnych mahčymaściaŭ i pryvabnaści Respubliki Biełaruś;
Źnižeńnie ŭzroŭniu dabrabytu i jakaści žyćcia nasielnictva pryhraničnaj terytoryi;
- Abvastreńnie sanitarna-epidemijałahičnaha i ekałahičnaha stanovišča na prymiežnaj terytoryi, vyklikanaje transhraničnymi pracesami;
- Inšyja pracesy transhraničnaha charaktaru i ich nastupstvy, zdolnyja nanieści adčuvalny škodu nacyjanalnym intaresam u pamiežnaj prastory.
Padobna, što situacyja va Ukrainie paspryjała źjaŭleńniu niekatorych punktaŭ hetaj kancepcyi. Prynamsi tych, dzie havorka viadziecca pra spryjańnie sieparatysckich nastrojaŭ u pamiežnych terytoryjach, a taksama terytoryjalnyja pretenzii susiednich dziaržaŭ. I havorka tut, chutčžj za ŭsio, nie pra Litvu ci Łatviju.
Pry hetym adznačajecca, što ŭ našaj krainie stvoranyja ŭsie ŭmovy dla vyjaŭleńnia i niejtralizacyi vyklikaŭ i pahrozaŭ pahraničnaj biaśpieki. Pamiž Biełaruśsiu i pamiežnymi dziaržavami stvorany «bieskanfliktny charaktar adnosinaŭ» pa pahraničnych pytańniach.
«Dziaržaŭnaja miaža nie źjaŭlajecca pradmietam terytaryjalnych sprečak i pretenzij, stan pamiežnaj biaśpieki stabilny», — adznačajecca ŭ dakumiencie.