Łukašenka vykazaŭ spačuvańni rodnym i blizkim zahinułych pry vybuchu ŭ Kierčy. Ale nie Pucinu
Alaksandr Łukašenka ad imia biełaruskaha naroda i siabie asabista vykazaŭ ščyryja spačuvańni rodnym i blizkim zahinułych pry vybuchu ŭ Kierčanskim politechničnym kaledžy. Ab hetym BiełTA paviedamili ŭ pres-słužbie biełaruskaha lidara.
Kiraŭnik dziaržavy adznačyŭ, što z hłybokim bolem daviedaŭsia ab vybuchu i hibieli vialikaj kolkaści maładych ludziej.
Cikava, što spačuvańnie adrasavałasia nie kiraŭniku dziaržavy (jak heta zvyčajna robicca ŭ padobnych vypadkach), a rodnym i blizkim zahinułych.
Takaja forma spačuvańnia dazvalaje paźbiehnuć kanfliktaŭ z Ukrainaj i Rasijaj. Trahiedyja zdaryłasia ŭ anieksavanym Krymie, tamu spačuvańnie na adras Pucina vyklikała b niehatyŭnuju reakcyju z boku Ukrainy. Takaja ž reakcyja była b i z boku Rasii, kali b Łukašenka nakiravaŭ spačuvańnie Parašenku.
